我地係~~~ Rides !! October 27, 2015 23:28

Rides由開業到而家大約半年左右，現在要開始經營埋網站啦~ 由初初營業時間只能夜晚7-10點(要收工先.....)，到而家星期一至六 13:00-21:00。多得一路走來十分多朋友(車友)支持幫忙，而我地亦一步一步希望能做得更好!! 現在網站同我地初開業一樣，都係非常簡單.....

但我地會努力增加內容，不論在產品方面會帶比大家更多有趣獨特東西。亦會講更多Bike Fit 嘅知識及好處，更會專題古典鋼管車嘅美麗及藝術之處~ 

而響Blog環節，亦係我地Rides網站重中之重嘅地方，除左會刊登Rides update news, bike fit, 鋼管車等資訊外，更會邀請大家成為我地blogger，將大家響單車上嘅經歷同我地分享; 佛波鵝有幾多人試過? 點解一定要去三多食炸脾? 夜環港島有幾正? 第一次R200係咩感覺? 青公翔東創新邊度操車好? 仲有環台、武嶺、沖繩、甚至法國PBP，咁多故事，咁多旅程，點講得晒~!

希望我地嘅blog能夠帶比大家更多分享，更多故事。未踩車嘅可以了解多ｄ，踩開車嘅可以分享更多，去得更遠~ keep pedal~

最後，點解我地咁鍾意踩單車? 因為每次踩車見到嘅人、都係笑架~