西藏之旅 (Day2) 深圳葵涌→廣州永和鎮 - Joe Wong May 14, 2018 22:49

一開波收衫揾早餐食，其實都唔駛點揀嘢食，大陸例牌食腸粉。上午踩去博羅食雞嘅路段簡直係惡夢，根本玩off-road ，不停食大貨車塵，如果冇食早餐，呢餐一定最飽！到左食滿記土窖雞，呢隻雞係每次經過惠州一定會踩去食。基本上日日最大嘅敵人就係個太陽，飲極水都唔夠，前前後後買左3支1.5公升水，淨水飲到反胃⋯⋯本來打算踩去增城光明區過夜，點知轉錯路口變相踩多左50km，唯有將錯就錯，一直向西北走，見到邊間酒店住邊間，最後見到七天酒店，就入住，櫃位哥哥好Nice ，知我踩到咁黑可憐我即刻幫我用會員價去租房，仲請我食蛋糕，雖然飲水飲到好飽，但人地一番心意點可以拒絕，佢仲要教埋我去邊度揾野食，可能大家都講廣東話，所以好啱嘴型