西藏之旅(Day4)清遠市→連州市 - Joe Wong May 16, 2018 21:50

今日天未光就起身，整左兩個杯麵食(因為腸粉開始見到都驚),五點半左右就離開酒店，咁早係因為今日一來好多斜路要踩，怕自己天黑都未到目的地，二來怕左D交通督導員，所以要早過佢開工⋯⋯基本上廣東省平路多，一出清遠市就開始大獲，因為斜路對肥仔嚟講係弱行。今日好熱，好彩早段全程路旁邊都有種樹，有樹蔭照住狀態好好，而且一出左清遠市開始少車少人，踩得好舒服(s931鄉路)，未到十二點已經完成左100公里左右。因為一早完成左咁多，個人就開始囂，諗住未肚餓所以經過其中一個比較繁華嘅村冇食野⋯⋯最後淪落到下午飯都要食杯麵原來重頭戲係後段，因為下午天氣好高温，全程冇哂力踩，只好耷低頭係咁踩麻醉自己終點就快到,就係一份堅持⋯⋯今日五點前到咗酒店休息一個人出去食飯比較少選擇，只好去快餐店⋯⋯不過你估都估唔到木耳炒雞套餐有湯有飯有菜都係12蚊人仔