西藏之旅(Day5)連州市→藍山縣 - Joe Wong May 17, 2018 22:34

今日如常食個杯麵就出發，離開連州市之前買多排方包，因為知今日多斜路。本來打算踩去賀州市去桂林，但途中遇到個司機喺架車递支水比我，仲要係前邊打死火燈截我車，我心諗仆街啦⋯⋯唔通日光日白都打劫，原來黃仁師兄都係單車友見十一二點，想請我去佢屋企食飯佢仲要親手下廚一家人一齊食飯吹單車經，我真係超唔好意思，仲要開支十五年嘅苦瓜酒俾我試⋯⋯俾錢佢又唔要仲要車返我出路口教我唔好踩去桂林，話好多車友喺果邊山區俾人打劫，跟住介紹我要過永州最安全真係好多謝佢走多轉車返個頭盔俾我，我唔小心留咗喺佢屋企今日景唔係最靚，係人嘅心地佢介紹我踩條村路話好舒服⋯⋯點知原來係一個伏⋯⋯條橋斷L左呀變相要兜多30公里爛路。之後就完全冇L哂心情，不過今日夜晚趕車好正，見到滿天星