西藏之旅(Day1) 油塘→深圳葵涌 - Joe Wong May 14, 2018 22:31 1 Comment

今日好大意，估唔到咁熱，最後我選擇左踩青公過上水，冇攔飛鵝山過去，事源昨晚同朋友一定要食雞先肯瞓，估唔到食到雞已經係早上六點，姐係我冇瞓過⋯⋯但行程plan左就要去，唔可以退縮一路踩一路水滾，終於到左上水站，我決定食埋個午餐先拆轆過關，因為架車太多行李，唔食一定冇力拖戰友行⋯⋯拖住拆左轆嘅戰友真係好痛苦⋯⋯不過辛苦始終會過去。過左羅湖口岸，小弟就選擇左踩東岸果邊過去，因為小D交警，冇咁易抄牌。喺盤山山頂撞到幾個香港車友，點知吹左成個鐘水，最後因開始天暗，選擇左喺葵涌過夜，一到酒店洗衫沖涼衝落街揾野食，食左好好味嘅山東水餃飲左支冰凍嘅青島大滿足

=========

原文來自Joe Wong facebook